هتوافق على حب اختك ولا لاء؟؟؟؟؟؟

السلام عليكم ورحمة الله وبركاته

طبعا كلنا عارفين ان الحب دا اجمل احساس فى الدنيا

ومحدش يقدر يمنع حد من انه يحب

لكن فى شباب بيمنعو اختواتهم انهم يحبو

بيبقو رفضين الفكرة دى خالص

مش عارفة دا خوف زيادة على اخواتهم

ولا عدم ثقة فيهم

ولا مجرد ان هو ليه سلطة على اخته وخلاص

بس مهما كان مفيش اى سبب يخلى اى شاب

يمنع اخته من انها تحب لان الحب مش عيب


الاسئلة دى للشباب
لو اختك قاتلك انها بتحب هيكون رد فعلك ايه؟
لو صاحبك جيه قالك انه بيحب اختك هتعمل ايه؟

ودى بقى للبنات
لو حبيتى هتقولى لاخوكى ولا لاء ؟ وليه

لو اختك قاتلك انها بتحب هيكون رد فعلك ايه؟
اولا هى بتبقى صعبه شويه بالنسبه للاخ

ممكن لو الاخ متسامح وشويه هادى ويحب التفاهم ممكن يفهم اخته ويقولها او ممكن يقول لامه والام طبعا بخبرتها تقدم تقنع بنتها ان ده غلط او مش غلط

وتفهمها بالراحه

ممكن لو الاخ قاسى ولا يحب التفاهم يضربها وياخد منها الفون ويمنعها من الخروج لوحديها او مع صحبتها

لكن انا معنديش رد ليكى لو اختى انا وضحت وجه نظرى بالنسبه للاولاد


لو صاحبك جيه قالك انه بيحب اختك هتعمل ايه؟


الحاله دى الواحد بيشوف ان كان صحبه ده انسان على خلق ويستاهل اختى فعلا فايه المانع وبطلب منه انه يتقدم لطلبها للزواج ان كانت اختى هى كمان موافقه على الارتباط منه ده اولا وثانيا ذا كان صاحبى يصارحنى بالموضوع ده انه بيحب اختى يبقى انسان محترم او زى ما بنقول دخل من الباب وده طبعا احسن ما يمشى مع اختى من ورايا مع انى واثق ان اختى مش ممكن تعمل كده وان كان مايستهلش اختى او غير لائق ليها فانا هاقله احنا اخوات وكل شىء نصيب وينسى الموضوع ده واكيد ربنا هايوفقه فى حياته ولازم اتقبل الموضوع واسمع له بصدر رحم لان ده ممكن يخصل معانا ان انا مثلا اكون بحب اخت واحد صحبى يبقى اللى انا اتمناه لى اتمناه لصاحبى وانا شايف ان الموضوع مش مشكله عظيمه انما هو امر عادى ويحدث بكثره فى مجتمعنا

واشكرك يا دولى على مواضيعك الجميله

ويارب يكون كلامى منطقى